مَن نحن؟
أَصْلُهُ عَرَبِيٌّ مش مجرد براند ملابس، ومش مجرد تيشيرت عليه رسمة أو كلمة.
إحنا مؤمنين إن كل تيشيرت بنلبسه بيحكي حكاية، وإن الحكاية دي تستحق نعرف أصلها.
سنين طويلة اتعودنا نلبس شخصيات وشعارات وأفكار جايّة من أماكن تانية، لحد ما بقينا نحفظ أسماء أبطال خياليين أكتر من أبطال حقيقيين صنعوا التاريخ، ونلبس كلمات مش دايمًا نعرف معناها أو الفكرة اللي وراها.
فقررنا نسأل: ليه ما نلبسش حكاياتنا إحنا؟
من هنا بدأت أَصْلُهُ عَرَبِيٌّ؛ محاولة نرجّع الحكاية لأصحابها، ونحكي عن حضارتنا، وأبطالنا، وثقافتنا، والأفكار اللي اتولدت على أرضنا وانتقلت من جيل لجيل.
إحنا مش بنصنع ملابس وبس، إحنا بنصنع قطع بتحكي.
حكايات عن أبطال حقيقيين، وعن حضارة أثّرت في العالم، وعن أرضٍ ارتبط اسمها بالإنسان والحياة والسلام.
لأن التيشيرت بالنسبة لنا عمره ما كان مجرد قطعة قماش.
التيشيرت هو فكرة بتلبسها، وحكاية بتاخدها معاك.
وعشان كده...
أَصْلُهُ عَرَبِيٌّ.